“အကောင်းမြင်စိတ် ပျိုးထောင်နည်း”
စတီဖင်ကိုဗေးရဲ့ 90-10 Principle ဆိုတာ တော်တော်များများ ကြားဖူးကြမယ် ထင်ပါတယ်။
သူ့ဆိုလိုရင်းကတော့ ကျွန်တော်တို့ဘဝမှာ ကြုံတွေ့ရသမျှတွေရဲ့ ၁၀ ရာခိုင်နှုန်းက သူ့အလိုလို ဖြစ်လာတာတွေ ဖြစ်ပြီး ကျန်တဲ့ ၉၀ ရာခိုင်နှုန်းကတော့ ကျွန်တော်တို့ တုံ့ပြန်မှုတွေရဲ့ အကျိုးဆက်လို့ ဆိုပါတယ်။
လေယာဉ်ချိန်နောက်ကျတာ၊ ရောဂါဖြစ်တာ၊ အလုပ်ပြုတ်တာ၊ ဒါတွေက ကျွန်တော်တို့ မတတ်နိုင်တဲ့ ၁၀ ရာခိုင်နှုန်း။ ဒါတွေကို ဘယ်လိုတုံ့ပြန်သလဲဆိုတာက ကျန်တဲ့ ၉၀ ရာခိုင်နှုန်း ဖြစ်လာတယ်။
သူပေးတဲ့ဥပမာအနေနဲ့ဆိုရင် မနက်စာစားနေတဲ့အချိန် သမီးလေးက ကော်ဖီခွက် မှောက်ကျတော့ သူ့အကျီင်္ပေသွားတယ်။ အဲဒါကို စိတ်တိုတိုနဲ့ သမီးကို အော်ငေါက်လိုက်တော့ သမီးလေးက ငိုရော။ သူကလည်း အိမ်ပေါ်ပြန်တက်ပြီး အဝတ်အစား ပြန်လဲရတယ်။ သူ ပြန်ဆင်းလာတဲ့အချိန်မှာ သမီးက ငိုနေတော့ ကျောင်းကားလာတာ မသိလိုက်ဘူး။ အဲဒါနဲ့ သူ့သမီးကို ကျောင်းလိုက်ပို့ရရော။ ရုံးချိန်နောက်ကျမှာ စိုးတော့ မြန်မြန်မောင်းလိုက်တာ လမ်းမှာ ရဲဖမ်းခံရပြန်တယ်။ သမီးလေးကို ကျောင်းပို့ပြီး ရုံးရောက်တဲ့အချိန်မှာ အတော်နောက်ကျနေပြီ။ သူလည်း စိတ်တွေတိုနေတုန်း။ ရုံးရောက်ပြီဆိုမှ သိလိုက်တယ်။ သူ့အိတ် အိမ်မှာ ကျန်ခဲ့တယ်။ တစ်နေကုန်လည်း အဆင်မပြေ။ အိမ်ပြန်ရောက်တော့လည်း မိသားစုနဲ့ အဆင်မပြေတော့ဘူး။
သူ့တစ်နေ့တာကို ပြန်ကြည့်ရင် တစ်နေကုန် အဆင်မပြေခဲ့သမျှဟာ ကော်ဖီမှောက်တာကြောင့် မဟုတ်ဘူး။ အဲဒီကော်ဖီမှောက်တာကို သူတုံ့ပြန်လိုက်တဲ့ ပုံစံကြောင့်သာ ဖြစ်တယ်။
သမီးလေးရယ် ဖြစ်တတ်ပါတယ် ဆိုပြီး ကြည်ကြည်သာသာလေး ပြောလိုက်မယ်၊ အဝတ်အစားပြန်လဲမယ်၊ ကလေးကို မဆူဘူးဆိုရင် ကလေးလည်း ကျောင်းကားမမီစရာ မရှိဘူး။ သူလည်း ရဲဖမ်းခံရမှာ မဟုတ်ဘူး၊ အလုပ်လည်း နောက်ကျမှာ မဟုတ်ဘူး။ မိသားစုလည်း အဆင်ပြေပြေ အေးအေးချမ်းချမ်းလေး နေရလိမ့်မယ်။
ကျွန်တော်တုိ့ဘဝကို ပြန်သုံးသပ်လိုက်မယ်ဆိုလည်း အဲ့ဒီအတိုင်း ဖြစ်နေတာ သတိထားမိလိမ့်မယ်။ အဖြစ်အပျက်တွေကတော့ အတူတူကြုံရတာပဲ။ ဒါပေမယ့် တုံ့ပြန်မှုချင်း မတူတဲ့အခါမှာ နောက်ဆက်ပြီး ဖြစ်လာတာတွေလည်း မတူကြဘူး။
ဒါဖြင့် အဲ့ဒီလိုတုံ့ပြန်မှုတွေကို ကျွန်တော်တို့ ဘယ်လိုထိန်းချုပ်မလဲ၊ သတိထားမိအောင် လုပ်မလဲ။
ဒီနေရာမှာ ABC Framework ဆိုတာလေးကို မိတ်ဆက်ပေးလိုပါတယ်။
ဘာလဲဆိုတော့
A – Adversity (အဖြစ်အပျက်)
B – Belief (ယုံကြည်ချက်၊ ခံယူချက်)
C – Consequence (နောက်ဆက်တွဲဖြစ်ရပ်)
မနေ့ကဖြစ်ခဲ့တာဖြစ်ဖြစ်၊ တခုခု ကိုယ့်စိတ်မှာ မှတ်မိနေတာလေးကို ABC Framework လေးနဲ့ ထည့်ကြည့်ပါ။
ဥပမာ ကိုယ့်အလုပ်မှာ အထက်လူကြီးက ကိုယ်ပြောတဲ့အိုင်ဒီယာတစ်ခုကို ငြင်းပယ်လိုက်တယ် ဆိုပါတော့။ ဒါက Adversity အဖြစ်အပျက်။
အဲဒါကို ကိုယ့်စိတ်ထဲ ဘယ်လိုတွေးလိုက်လဲ။ နမူနာ (၃)မျိုးလောက် တွေးပြပါမယ်။
၁။ ငါဟာ အသုံးမကျတဲ့လူပဲ
ဒါဆိုရင် နောက်ဆက်တွဲအနေနဲ့ ဘာဖြစ်လာမလဲ။ စိတ်ဓါတ်ကျလာမယ်၊ အလုပ်မှာ မပျော်တော့ဘူး၊ မတက်ကြွတော့ဘူး။
၂။ ဒီလူကြီးက ရှေးရိုးစွဲ၊ ဒီခေတ်နဲ့ အံမဝင်တော့တဲ့ အလကားလူကြီး
ဒါဆိုရင်တော့ နောက်ဆက်တွဲရလဒ်က ကိုယ့်ဘော့စ်အပေါ် အထင်မကြီးတော့ဘူး၊ မလေးစားတော့ဘူး။
၃။ ငါ့အိုင်ဒီယာမှာ ဘာတွေ လွဲနေလဲ၊ သူလက်ခံလာအောင် ငါ ဘယ်လိုပြောရင် ကောင်းမလဲ
ဒီလိုတွေးရင်တော့ ကိုယ့်အိုင်ဒီယာ အလုပ်ဖြစ်လာအောင် တခုခု ဆက်လုပ်နိုင်ပါလိမ့်မယ်။
အထက်လူကြီးရဲ့ ငြင်းပယ်မှုကို ကျွန်တော်တို့ မပြင်နိုင်ပါဘူး။ ပြင်လို့ရတာက ကျွန်တော်တို့ရဲ့ ခံယူချက် ဖြစ်ပါတယ်။
ဒီ ABC လေ့ကျင့်ခန်းလေးကို ကိုယ့်စိတ်ထဲ မှတ်မိနေတဲ့ အဖြစ်အပျက်လေးတွေနဲ့ လက်တွေ့လုပ်ကြည့်ပါ။ ဖြစ်နိုင်ရင် တစ်ပတ်လောက်ဆက်တိုက် အလုပ်ကနေ အိမ်ပြန်ရောက်တဲ့အခါတိုင်း တစ်နေကုန်ဖြစ်ခဲ့တာတွေနဲ့ ချိန်ထိုးကြည့်ပါ။ ကိုယ့်ရဲ့ ခံယူချက်က ကိုယ့်ရဲ့ဘဝမှာ ဘယ်လောက်ထိ အရေးပါနေတယ်ဆိုတာ သိလာပါလိမ့်မယ်။ တစ်ပြိုင်တည်းမှာပဲ အဖြစ်အပျက်တစ်ခု ကြုံလိုက်တိုင်းမှာ ကိုယ့်ခံယူချက်တွေကို သတိထားမိပြီး ပြင်လာနိုင်ပါလိမ့်မယ်။
အကောင်းမြင်စိတ် (Positive attitude) ဆိုတာ ဒီနေ့ခေတ်မှာ မဖြစ်မနေ လိုအပ်လာတဲ့ အရည်အသွေး 21st Century Skill တစ်ခု ဖြစ်လာပါတယ်။ ဒါက လူတစ်ယောက်ယောက်၊ သင်တန်းတခုခုကနေ သင်ပေးလိုက်လို့ရတဲ့ ကိစ္စလည်း မဟုတ်ပါဘူး။ ကိုယ့်ဘဝဖြတ်သန်းမှုတွေကနေပဲ လေ့ကျင့်ပျိုးထောင်ရတာပါ။ ပညာတွေ ဘယ်လောက်တတ်တတ်၊ ဘွဲ့တွေ ဘယ်လိုရထားရထား၊ ဒီအရည်အသွေးမရှိဘူးဆိုရင် လုပ်ငန်းခွင်မှာ အောင်မြင်ဖို့ ခက်ပါတယ်။
အကောင်းမြင်စိတ်ဟာ မျိုးရိုးလိုက်တတ်သလားဆိုတာတော့ အတတ်ပြောမရသေးပေမယ့် မိခင်ရဲ့ အကောင်းမြင်စိတ်ရှိမှုနဲ့ ငယ်စဉ်က ပြုစုပျိုးထောင်ခံခဲ့ရတဲ့ ပုံစံတွေကတော့ လူတစ်ယောက်ရဲ့ စိတ်နေစိတ်ထားအပေါ် အဓိကလွှမ်းမိုးနေတယ်လို့ တွေ့ရှိချက်တွေက ဆိုပါတယ်။
ဘယ်လိုပဲဖြစ်ဖြစ် ကျွန်တော်တို့ အားတက်ရမယ့် ကိစ္စတစ်ခုကတော့ အကောင်းမြင်စိတ်ဟာ ပြုစုပျိုးထောင်လို့ ရနိုင်တယ် ဆိုတာပါပဲ။ ဒါကြောင့် အဖြစ်အပျက်တစ်ခု ကြုံလိုက်ရတိုင်းမှာ ကိုယ့်စိတ်က ဘယ်လိုဖြစ်သွားလဲ၊ ဘယ်လိုခံယူလိုက်လဲဆိုတာကို သတိထားကြည့်မိပြီး နောက်ဆက်တွဲအဖြစ်အပျက်တွေကို အကောင်းဆုံးထိန်းချုပ်နိုင်ကြစေဖို့ ဝေမျှပေးလိုက်ရပါတယ်။
Ref: Learned Optimism – Martin E. P. Seligman
cred: ဒေါက်တာ ဖြိုးသီဟ
ဤ အမရာ ဧရာ @ Amara Ayar စာမျက်နှာသည် ကျွန်တော်၏ ချစ်သမီးလေး အမရာ၏ အမှတ်တရ များသိမ်းဆည်းရန် နှင့် ကလေးများ၏ ကျန်းမာရေး ပညာရေး ဗဟုသုတများကို မျှဝေ ရန် တည်ထောင်ထားခြင်း ဖြစ်ပါသည်။
